*لو الأعداء اجتمعوا.. احنا ليه لأ؟*
النهاردة، في شينغن في الصين، قعد 3 رجال على طاولة واحدة.
ترامب، وبوتين، وشي.
دول مش صحاب، دول أعداء.
أمريكا وروسيا كان بينهم حرب باردة 50 سنة.
أمريكا والصين بينهم حرب تجارية وصراع على تايوان.
روسيا والصين كان بينهم حرب حدود ومات فيها ناس.
خلافاتهم أكبر من خلافاتنا بكتير.
ومع ذلك.. قعدوا، واتكلموا، ومضوا "إعلان نحو السلام".
*طب احنا؟*
احنا العرب والمسلمين، ايه خلافاتنا جنب خلافاتهم؟
احنا بنتكلم نفس اللغة، وبنصلي لنفس القبلة، وبنقرا نفس القرآن، وتاريخنا واحد، ومصيرنا واحد.
خلافنا على ايه؟ على حدود رسمها لنا الإنجليز والفرنساويين؟ على ماتش كورة؟ على كلمة قالها مذيع؟
هما خلافاتهم نووي وصواريخ وتايوان وأوكرانيا، وقعدوا.
واحنا خلافاتنا أتفه من كده بكتير، ومش عارفين نقعد.
النهاردة الكبار اجتمعوا وقرروا مصيرنا من غيرنا.
مضوا على النووي، وعلى النفط، وعلى إيران، وعلى غزة واليمن، واحنا بنتفرج.
لو ترامب وبوتين وشي قدروا يقعدوا ساعة واحدة مع بعض، رغم كل اللي بينهم..
*ليه ملوك ورؤساء العرب والمسلمين ميقدروش يقعدوا ساعة واحدة مع بعض؟*
مش بنقول نلغي دولتك، ولا علمك، ولا رئيسك.
بنقول نقعد..
*لما ييجي الكلام عن غزة نتكلم كلنا بصوت واحد.*
*ولما ييجي الكلام عن النفط نتفاوض كلنا مع بعض.*
*ولما حد ييجي علينا، نقف كلنا جنب بعض.*
لو الأعداء اجتمعوا واتفقوا علينا..
يبقى العيب مش فيهم، العيب فينا احنا اللي مش عايزين نجتمع.
*وحدتنا.. هي وجودنا.*